ماجيـت يمـك طالبـك للإضافـه
.. .. .. .. .. ابيك تفهم مقصدي يا اريش العين
الحب ما هو هرج وضحك وسخافه
.. .. .. .. .. الحب اسمى مـن كلام(ن)تظنيـن
سوالـف (ن)تكتـب بليّـا كلافـه
.. .. .. .. .. مابين شات وموقع(ن) فيه تحكين
الحب اعجز حرف شعـري وقافـه
.. .. .. .. .. كل الكلام اللـى نقولـه بتلحيـن
لا تحسب انـه ينكسـب بالثقافـه
.. .. .. .. .. ولا بحفظـك للكتـب والدواويـن
من لا يعرف اصـول فنـه يعافـه
.. .. .. .. .. ومن عانق اقليبه تمكن به سنيـن
انا عشقتك رغـم بعـد المسافـه
.. .. .. .. .. عشقتةوفى ماتعرف الصد والبيـن
ماني من اللـي ياحبيبـي تخافـه
.. .. .. .. .. على الصفا اسوق روحي وتدريـن
زهر الغلا ياقرب ساعـة جفافـه
.. .. .. .. .. لا صارمنتم له على الدوم ساقيـن
ابـي تعاملنـي بحسـن ولطافـه
.. .. .. .. .. وابي نكون ليا قسى الوقت سمحين
يانور قلبـي يـا نهايـة مطافـه
.. .. .. .. .. غلاك في قلبي مـن اول وللحيـن
العمر لو يمضـي بلاكـم حسافـه
.. .. .. .. .. مقوى على الصده ولا ظن تقويـن
